बीएण्डसी २४ सै घण्टा खुल्ला, बिरामीको सेवामा कमी हुन दिएको छैन : प्रसाई

बिर्तामोड । सामान्य बिरामीलाई समेत अस्पतालहरुले उपचारमा लिन नमानिरहेको समयमा झापाको बिर्तामोडमा रहेको बीएण्डसी अस्पतालले भने सबै किसिमका बिरामीको उपचारका लागि २४ सै घण्टा अस्पताल खुल्ला रहेको जनाएको छ ।

बिहीबार एक प्रेश विज्ञप्ति जारी गर्दै अस्पतालका कार्यकारी निर्देशक दुर्गा प्रसाईले कतिपय व्यक्तिले उपचार गर्न नमानेको भनेर अफवाह फैलाएको भन्दै अहिले पनि २४ सै घण्टा जस्तोसुकै समस्याको पनि उपचार गर्न चिकित्सक र अस्पताल तयार रहेको बताएका छन् । ‘हाम्रो काम भनेकै बिरामीलाई सेवा दिने हो, रोग लागेर विरामी अस्पताल आउँदा अस्पताल भाग्ने कुरै भएन,’ निर्देशक प्रसाईले भने ‘हामीले २४ सै घण्टा उपचकारका लागि चिकित्सकलाई खटाएका छौँ ।’

उनले यसअघि बिभिन्न सञ्चारमाध्यममा गेटबाट बिरामी बालक फर्काईएको भन्ने भ्रम छर्ने काम भएको भन्दै त्यसको खण्डन समेत गरे । ‘अन्य अस्पतालमा उपचार गरे हाम्रो अस्पतालले उपचार गरेन भनेर अफवाह फैलाईयो,’ प्रसाईले भने ‘हामीले आजसम्म कुनै विरामी फर्काएको छैन ।’

अस्पतालमा आइसोलेसन, भेण्टिलेटर र आईसीयू सहितका सबै सेवा र दक्ष चिकित्सक भएकाले कुनै पनि रोगका विरामी उपचारका लागि अस्पताल आए जुनै समय पनि सेवा दिन अस्पताल सँधै तयार रहने निर्देशक प्रसाईको भनाई छ । उनले अफवाह फैलाउँनेको भ्रममा नपर्न आग्रह गर्दै बिरामी भए ढुक्क सँग अस्पताल आउन नागरिकलाई आग्रह समेत गरे ।

कोरोनाबिरुद्ध सरकारले अवलम्बन गरेको अभियानमा साथ दिन अस्पताल सँधै तयार रहेकाले नागरिकलाई यो समयमा नआति स्वास्थ्य सेवा लिन र आफ्नो पनि ख्याल गर्न अस्पतालले सुझाव समेत दिएको छ । सरकारलाई आवस्यक परेको समयमा आफ्नो अस्पताललाई कोरोना उपचार केन्द्र बनाउँन दिन तयार रहेको यस अघिनै अस्पतालले घोषणा समेत गरेको थियो ।

Back to top button