‘मलाई कसैले खोट लगाउने ठाउँ राखेको छैन’ मुख्यमन्त्री राई (भिडियो सहित)

इटहरी । मुख्यमन्त्री शेरधन राईले एउटा गिरोहले पात्र खरिद गरी लामो समयदेखि आफूविरुद्ध षड्‌यन्त्र गर्ने काम भइहेको बताएका छन्। बालिका खड्काले शुक्रबार जिल्ला अदालत काठमाडौंमा सम्बन्ध कायम गर्न र अंश भराइदिन भनी दायर गरेको मुद्दाका सन्दर्भमा बोल्दै मुख्यमन्त्री राईले आफूलाई आर्थिक र नैतिक मामला कसैले कुनै खोट देखाउन चुनौती दिए।

शनिबार प्रेस सङ्‌गठन नेपाल प्रदेश १ को इटहरीमा भएको सपथग्रहण कार्यक्रमलाई सम्बोधन गर्दै उनले आफ्नो जीवन शतप्रतिशत पारदर्शी रहेको दाबी गरे। आफूविरुद्धको षड्यन्त्र प्रहरी र पार्टीलाईसमेत जानकारी गराइसकिएको बताउँदै उनले २०७२ सालदेखि षड्य‌न्त्र भइरहे पनि आफू मौन रहेको र अब दूधको दूध, पानीको पानी छुट्टिने बेला आएकोले बोलेको बताए।

मुख्यमन्त्री राईले दिएको वक्तव्यको अंश

मैले बोल्ने बेला बल्ल आयो। मविरुद्ध २०७२ सालदेखि एउटा षड्‌यन्त्र सुरु भएको छ। म सञ्चारमन्त्री भएको २र३ महिना पछाडिबाट त्यो षडयन्त्र सुरु भयो। र मविरुद्ध विभिन्न ठाउँमा बैठक बसे। एउटा गिरोह सक्रिय त्यसमा भयो। केही पात्रहरूको खोजी गरियो। पात्रहरूको खरिद गरियो। र त्यसपश्चात ममाथि त्यसलाई प्रयोग गरियो।

हिजोमात्र एउटा कुन अदालतमा मुद्दा दर्ता भयो भन्ने कुरा सामाजिक सञ्जालमा आइराखेको छ। ७२ सालदेखि लगातार मौसमअनुसार सामाजिक सञ्जाल र केही सानामसिना अनलाइनहरूमा केही कुराहरू मेरा प्रसङ्‌गमा आइराखेका छन्। आजसम्म मैले यो प्रसङ्‌गमा बोलेको थिइनँ। किनभने, मेरो कुनै दोष छैन, मेरो कमजोरी छैन। जुन पात्रको कुरा छ, त्यो पात्रसँग मेरो कहिल्यै चिनजान भएको छैन। बोलचाल भएको पनि छैन। संवाद कहिल्यै दोहोरो भएको छैन।

म सञ्चारमन्त्री भएको तीन महिनापछि फटाफट मेरो नम्बरमा म्यासेज आउँछ, त्यो म्योसज एउटा, दुईटा होइन, ५० औं, १००औंको सङ्‌ख्यामा आउँछ। भोलिपल्ट पनि आउँछ। म एउटा म्यासेज प्राप्त भएको नम्बरमा कल गर्छु र चिन्ने प्रयत्न गर्छु, नामसम्म थाहा हुन्छ। त्यसपछि मैले फोन राख्छु र लगातार म्यासेज आयो। त्यसपछि मैले ती म्यासेजहरूलाई जस्ताको तस्तै मोबाइलमा राखेर मैले सञ्चारमन्त्रीको हैसियतमा, सरकारको प्रवक्ताको हैसियतमा सम्माननीय प्रधानमन्त्रीज्यूलाई देखाएँ। उहाँ पनि अचम्मित हुनुभयो।

मैले पार्टीमा नामै तोकेर दिएको छु। कतिपय पात्रहरूको नाम त्यो बेलामा राखिनँ होला। तर, मूल मान्छेको नाम किटानीका साथ राखेको छु। त्यसभन्दा अगाडि पनि तपाईंको बारेमा एउटा गलत पोको लिएर यहाँ मान्छेहरू आएका थिए, आज प्रमाणित भयो कि तपाईंमाथि ठूलो षड्‌यन्त्र भएको रहेछ। त्यो कुरा पुष्टि भयो। अब तपाईं ढुक्कले केही विचलित नभइकन आफ्नो काममा अगाडि बढ्नुहोस् र कसैलाई कुनै प्रतिक्रिया नदिनुहोस्। मैले मान्छे चिनेँ, मैले बुझेँ, प्रधानमन्त्रीज्यूले भन्नुभयो।

ती म्यासेज र मलाई ‘ह्यारेस’ गर्ने काम रोकिँदैन। त्यसपश्चात जब सरकारबाट हामी बाहिरियौँ मैले ७ पेजको म्यासेज प्रिन्टआउट गरेर ती पात्रले प्रयोग गरेका मेरो मोबाइलमा पठाएका ६ वटा नम्बरका म्यासेजहरू प्रिन्टआउट गरेर त्यो गिरोहको एउटा नाइके जसको नाम किटानी गरेर पार्टीमा एउटा एजेन्डा दर्ज गरे पोलिट्ब्युरो बैठकमा। भीम कमरेड यही हुनुहुन्छ, ईश्वर कमरेड हिँडिसक्नुभयो, जगन्नाथ कमरेड यही हुनुहुन्छ। र, मैले पार्टी अध्यक्षसँग औपचारिक अनुमति मागेर दर्ज गरेर पार्टीको पोलिट्ब्युरो बैठकमा दुई घण्टा छलफल भयो।

पार्टी पोलिट्ब्युरो बैठकमा ती पात्र गलत हुन् भन्ने निश्कर्ष निस्कियो। त्यसो हो भने एउटा छानबिन समिति गठन गरेर त्यस गिरोह, त्यस अपराधमा जसले मेरो व्यक्तिगत र राजनीतिक जीवनलाई समाप्त गर्नका लागि करोडौं पैसा खर्च गरेर क्रियाशील छ, सक्रिय छ, त्यो गिरोहलाई बाहिर ल्याउने हिसाबबाट एउटा छानबिन समिति बनोस्रबनाइयोस् भनेर मैले आग्रह गरे। अध्यक्षले स्थायी कमिटीबाट पछि निर्णय लिने निश्कर्ष सुनाउनुभयो। बैठक सकियो।

मैले पार्टी अध्यक्षसँग अनुमति मागेर ७ पेज म्यासेज, ६ वटा नम्बरसहित सिआइबीमा आवश्यक अनुसन्धानका निम्ति निवेदन दिए। यसले प्रारम्भिक सम्बन्धित मान्छेमाथि अनुसन्धान गर्‍यो, कि यी मान्छे स्वाभाविक मनस्थितिमा छैनन्। त्यसो हुँदा अहिले कारबाही अगाडि नबढाऊँ, हामी अध्ययन गर्छौं, अनुसन्धान गर्छौं भन्ने कुरा त्यसबेलाका डिआइजी, अहिलेका प्रतिनिधिसभामा माननीय नवराज सिलवालले जवाफ दिनुभयो।

आज बोल्नुपर्ने खण्ड ठ्याक्कै आयो। र अब दूधको दूध, पानीको पानी छुट्टिने समय आयो। यो छुट्टिन्छ केही दिनमा। तपाईंले थाहा पाउनुहुनेछ। यहाँलाई कुनै भ्रम नहोस् कि यो कहीँ चुकेको थियो किरु यसले कहीँकतै गल्ती गरेको थियो किरु यस्तो भ्रम नहोस्।
मैले आजका मितिसम्म कुनै, कहीकतै प्रतिक्रिया दिएको थिँइन्। तर, लगातार ममाथि यस प्रकारको बहस, षडयन्त्र, यसप्रकारको गिरोह, के कारणले हो मलाई थाहा छैन। म सबैलाई भन्नसक्छु शीर ठाडो पारेर कि, म भूँइबाट आइको मान्छे हो, विकट ठाउँमा जन्मेको मान्छे हो, भूँइबाट आएको मान्छे, कम्युनिस्ट पार्टीको सदस्यता लिएर जिम्मेवारी लिएको, जे जिम्मा पायो, पाएको जिम्मा राम्रो फत्ते गर्दै त्यो ठाउँमा आएको मान्छे हो। म कसैको चाकडी गरेर आएको होइन। कसैको आशिर्वाद पाएर आएको होइन। म मिडियाबाजी गरेर, प्रचारबाजी गरेर, अनेक थोकको साहारा लिएर आएको मान्छे होइन। मेरो जीन्दगी सतप्रतिशत पारदर्शी छ। म चुनौति दिन चाहान्छु सबैलाई आर्थिक र नैतिक मामलामा आजका मितिसम्म कसैलेपनि खोट लगाउनसक्ने ठाउँ राखेको छैन। म यो कुरा स्पष्ट रूपमा भन्न चाहान्छु।

त्यसैले मैले अहिले यसका बारेमा बोल्ने एउटा समयको पर्खाइमा थिए भनेर अघि मैले भने। किनभने, मलाई यसका बारेमा पुलिसले नबोल्न, कुनै प्रतिक्रिया नदिन, यसको कुनै अर्थनै छैन भनेर पनि भन्यो। पार्टीले पनि भन्यो। तर, आज बोल्नुपर्ने खण्ड ठ्याक्कै आयो। र अब दूधको दूध, पानीको पानी छुट्टिने समय आयो। यो छुट्टिन्छ केही दिनमा। तपाईंले थाहा पाउनुहुनेछ। यहालाई कुनै भ्रम नहोस् कि यो कहि चुकेको थियो किरु यसले कहीकतै गल्ती गरेको थियो कीरु यस्तो भ्रम नहोस्।

यो मामलामा मिडियाहरू दूरुपयोग भएका छन्। मिडियाहरू किनिएका छन्। यसको खोजी गरिदिनुहुन आग्रह गर्न चाहान्छु। तपाईं आधाघण्टामा पत्ता लगाउन सक्नुहुन्छ। पात्रहरू को(को हुन्रु यो खेतीमा लाग्नेहरू कुन अनलाइन हुन्रु धेरै समय लाग्दैन, १५र२० मिनेटमा पत्ता लगाउन सक्नुहुन्छ। यो धन्धामा सामेल मान्छेहरू को(को हुन्रु भन्ने मान्छेपनि तपाईंहरू पत्ता लगाउन सक्नुहुन्छ। मैले पार्टीमा नामै तोकेर दिएको छु। कतिपय पात्रहरूको नाम त्यो बेलामा राखिन होला। तर, मूल मान्छेको नाम किटानीका साथ राखेको छु। सायद विश्व कम्युनिस्ट आन्दोलनमा म माथि जुन खालको षडयन्त्र भयो, त्यस्तो षडयन्त्र कम्युनिस्ट पार्टीमा अहिलेसम्म भएको छैन, अब हुँदैन पनि होला।

चुनावका बेला ममाथि १० वटा गोली र एउटा बम प्रहार गरियो। त्यो तर्साउनका लागि होइन, ठाउँका ठाउँ सिध्याउनका निम्ति ममाथि आक्रमण भएको थियो। बरु त्यो घटनालाई पनि यो षडयन्त्रसँग जोडेर मैले पार्टी नेतृत्वको ध्यान आकृष्ट गरेको छु। यसरी वास्तविकता यो हो। तथ्य यो हो।

 

Back to top button